ايه اللى لازم تعرفه عن نفسك
خليك واثق ان دى مش طبيعتك أن انت مش الشخص اللى تعبان أو حزين أو فى حاجه موصلاه للحالة اللى هو فيها ..اللى لازم تعرفه انك أجمل من كده بكتير ..ان ربنا خلقك بفطرة سليمة وبسيطة .. كل مابنكبر وبنقابل وبنشوف فى حياتنا كل ماالفطرة دى بتتغير واحدة واحدة ..كل مابتلاقى علامات استفهام كتير قدامك وللأسف مبتعرفش تجاوب على علامات الاستفهام دى ..تعالى بأه نجاوب عليها سوا ..ونشيلها ونبتسم من تانى
انا بعمل ايه
ببساطة شديدة اعتبرنى مستمع جيد بسمعك فى إطار يسمى "الجلسات النفسية "بسمعك وبرد على كل علامات الاستفهام اللى جواك احنا مع بعض لحد مانت اللى تزهق وتقول انا خلاص بقيت كويس مفيش حاجة عندى اسمها مهدأت ولا ادوية تضيع اللى انت فيه ,مفيش .انا روشتتى عنوانها الاصرار والامل بس كده.لو عايز تاخد الروشتة دى كلمنى أكيد.هنوصل لحلول مع بعض ,ونغير شوية فى سلوكياتك وتعاملاتك اليومية وروتين حياتك الغلط هنلاقى الدنيا ظبطت كتير معانا ,كل حاجة بسيطة اوى بس احنا اللى بقينا بنستسلم بسرعة للاسف فبنقع بسرعة فننهار بسرعة ,هنغير التركيبة دى خالص وهنلعب بطريقة مختلفة مع اللى جواك لحد ماتتصاحبوا تانى.
خدماتُنا
سوف نصل معا الى أعلى مستوى من الثبات والاستقرار النفسى
نبذة بسيطة
أسماء الشحات أنور إستشارى صحة نفسية ومستشار أسرى وزواجى وتربوى استشارى تعديل سلوك دولى.
الصحة النفسية
مهم جدا انك تحافظ على صحتك النفسية لأن لنفسك عليك حق
مش بس كده كمان صحتنا النفسية والعقلية مفتاح لباب الجسد
العلاج النفسى
العلاج النفسى يعتبر من افضل انواع العلاجات التى توصل لها العلم لأن العلاج الجسدى لا يأتى بنتائجه دون الاستقرار النفسى
ايه اللى يخلينى اروح لاخصائي نفسى؟
ولا أى ..حاجة متفكرش ان انت رايح لاخصائى نفسى علشان انت محتاج مساعدة فكر ان انت محتاج صديق تتكلم معاه ,محتاج حد تكون واثق انه هيقول لك اللى مفيش حد فى حياتك هيقولهولك ,هيوجهك للطريق السليم ,هيقولك اجرى الطريق مفتوح متقفش ,حتى لو عندك مليون صديق ..دايما بيكون فى صديق بيتقالو حاجات مبتتقلش لغيره . متفكرش فى سنك ..فى ظروفك او حتى فى وضعك الاجتماعى ,متقولش انا كبرت هروح احرج نفسى على أخر العمر..صدقنى عمرها ماكانت ولا هتكون مقياس علشان السن مجرد رقم ,انت بس قرر ومع بعض هتكون احسن أكيد ..أهم حاجة متترددش ومتفكرش كتير . "أهلا بيك ياصديقى"
انت مين؟
انت بنى أدم حصلتلك ظروف معينة فى وقت معين مع اشخاص معينين ,كل التركيبة دى خلتلك تكون الشخص اللى انت عليه دلوقتى .ده مش معناه نهائى انك بنى ادم مش كويس او عندك نقص فى حتة معينة ,انت الشخص اللى متخانق مع زوجته او اولاده مبيسألوش عليه او فى مشاكل بينه وبين اخواته او معندوش بر بولده او والدته او حاسس ان كل الناس متأمرة عليه وحاجات تانية كتير ممكن تكون مخلياك مش شايف نفسك بالشكل السليم ولا قادر ترجع نفس الشخص اللى كنت عليه قبل كده. الظروف وتركيبة المواقف اللى اتعرضت ليها هى اللى كانت العامل الاساسى والمكون لطبيعة الشخص اللى انت وصلتله دلوقتى .انا عايزاك تعرف انك شخص جميل بطبيعتك ولازم تدور على الجمال ده لحد ماتوصله من غير يأس ومن غير احباط او ندم على اى حاجه .ومع بعض هنوصل لده أكيد
هل انت شخص واثق ولا مهزوز؟
ازاى تقدر تحدد انت عندك ثقة فى نفسك مستحيل اى حد يقدر يلعب عليها او يهزها ؟ فى حاجة مهمة جدا عايزاك تعرفها ...لو فى اى حد فى حياتك قدر يلعب على الثوابت اللى عندك اعرف ان انت اكيد شخص مهزوز! علشان الثوابت دى هى اساسك ..هى اللى خلتك الشخص اللى انت عليه دلوقتى فتخيل كده الاساس ده مبقاش موجود يبقى انت كمان رحت فين؟! الاجابة مبقتش موجود .علشان كده مهم جدا الثوابت اللى انت نشأت عليها تكون قوية جدا لدرجة تخليك جبل واقف قدام أى رياح.بتهيألى كده تقدر تحدد دلوقت انت مهزوز ولا ياجبل ميهزك ريح .انا مش بقولك كده عشان تقلق .. انا بقولك الكلام ده علشان تكون واضح مع نفسك ومتصالح معاها ومتدعيش عكس اللى انت عايشه وحسه بكده هتقدر تدى نفسك تقديرها المطلوب منك .كل ده هنشتغل عليه مع بعض من غير ماتحس بأى مجهود او قلق .